Hestamannafélagið Geysir er formlega stofnað 27 nóvember 1949, en hafði þá haldið sínar fyrstu kappreiðar 31 júlí í landi Kirkjubæjar, skammt frá Efri- Strönd og fyrstu 5 árin voru mótin þar, við fremur þröngar og erfiðar aðstæður, þannig að ljóst var að sá staður var ekki til frambúðar.
1955 var fyrsta fjórðungsmót sem stjórn LH ákvað að haldið skyldi á Suðurlandi og stjórn Geysis falið að finna því stað, ljóst var að finna yrði nýtt mótssvæði og munu þeir Björn Loftsson frá Bakka og Ragnar Jónsson á Hellu hafa bent Sigurði Haraldssyni og öðrum forráðamönnum Geysis á Gaddstaðaflatir, sem voru glerharðir sandbornir vallendisbakkar, sæmilega sléttir frá náttúrunnar hendi. Áhorfenda svæði með góðum halla mót vestri, sem var og er ótvíræður kostur miðað við sunnlenskt veðurfar. Fenginn var stór valtari frá Ræktunarsambandi Flóa og Skeiða til að slétta 400 m. langa hlaupabraut og mótið síðan haldið með glæsibrag. Þó landið væri sæmilega slétt hafði það þann ókost að verulegur hæðarmunur var milli brautarenda sem gerði það að verkum að ekki yrðu staðfest met sem þar yrðu sett. Félagsstjórn sá að á þessu yrði að ráða bót, því var það að vorið 1972 að ráðist var í að endurskipuleggja landið og gera 1000 m. langa sporöskjulaga hlaupabraut með tveim þverbrautum nærri dómpalli til nota við gæðingadóma og sýningar. Þetta var gríðar mikið verkefni, þar sem hæðarmunur milli brautarenda var rúmir 2m. Samið var við fyrverandi formann, Eysteinn Einarsson vegaverkstjóra, um að hann fengi leigð hjá vegagerð ríkisins þau tæki sem til þessa verks þyrfti og hefði umsjón með framkvæmdinni, sem hann gerði með sóma. Austan áhorfendabrekkunnar voru sandsteins klappir og hólar sem muldir voru niður og gerðir að bílastæðum.Efni í hlaupabrautir er ljós Hekluvikur sem gefur fallegt útlit en aðalatrið er hin mikla mýkt samfara festu og fjöðrun sem gerir það ómetanlegt fyrir hestfætur.
Fjórðungsmót var svo haldið á endurgerðum velli 1972. Í framhaldi af þessu fjórðungsmóti ákváðu hestamannafélögin austan Hellisheiðar að halda sameginlega svæðisbundnar kynbótasýningar að vori og síðsumarsárin milli fjórðungsmóta, til að auka samstöðu og nýta þá aðstöðu sem búið var að skapa, Vormótin voru fyrir unga stóðhesta en Stórmótin fyrir hryssur og gæðinga úrval félaganna. Fyrsta Stómót var haldið 5 ágúst 1973, þetta samstarf var undanfari Rangárbakka s/f. sem stofnaðir voru árið 1980 og eru núverandi eiganda og rekstraraðila svæðisins Árið 1980 var byggt stórt og mikið þjónustuhús gengt dómpalli , með veitingastofu og snyrtiaðstöðu, ásamt aðstöðu fyrir starfsmenn. Fyrir landsmót 1986 var gerður nýr hringvöllur fyrir gæðingadóma austan áhorfendabrekku, ásamt stóðhestahúsi og aukinni snyrtiaðstöðu.
Að afloknu félagsmóti Geysis 1990 var ákveðið af stjórn Rangárbakka s/f að endurbyggja áhorfendabrekku með því að hækka hana og undirbyggja fyrir malbik, svo völlurinn væri tilbúinn fyrir fjórðungsmót 1991.
Fyrir landsmót 2004 var áhorfendasvæði að fullu frágengið og malbikað.
Samantekið í Gilsbakka2 Hvolsvelli, eftir bestu vitund og fyrirliggjandi heimildum svo sem kafla um félagið í Rangárvalla þætti Sunnlenskra Byggða, viðtölum við Ágúst Inga Ólafsson, Sigurgeir Bárðarson, sr. Halldór Gunnarsson,og Guðgeir Ólason.
vefumsjónarkerfi